Udalak eta FAZek “Nerabezaroa indarkeria matxistaren aurrean” erakusketa antolatu dute
Eguesibarko Udaleko Berdintasun eta Gazteria Alorrak antolatzen duen erakusketa ibiltaria da, emakumeenganako tratu txarrak ikertzeko Batzordeak lagatuta. 1977an sortutako erakundea, emakumeen aurkako indarkeria errotik kentzea helburu duena.
Erakusketa hau, “Nerabezaroa indarkeria matxistaren aurrean: indarkeria matxistari buruzko bizipenak, jarrerak eta pertzepzioak nerabeengan”, gazteen artean dauden indarkeria matxistei buruz sentsibilizatu eta kontzientziatzeko eta indarkeria horiek ezabatzeko beharraz kontzientziatzeko sortu da.
Indarkeria matxistaren egoerak jasan edo ezagutu dituzten nerabeen benetako testigantzetan oinarritzen dira erakusketa osatzen duten 30 orrialdeak: indarkeria fisikoa, psikologikoa, kaleko jazarpena, sare sozialen bidezko kontrola, etab. Kausarekin konprometitutako bost ilustratzaile berrik sortu dituzte. Bere lanen bidez, CIMTM erakundeak egindako “Madrilgo Erkidegoko nerabeen genero-indarkeriari buruzko bizipenak, jarrerak eta pertzepzioak” txostenean jasotako testigantza zirraragarrienetako batzuk islatzen dira.
Erakusketa doan ikusi ahal izango da Familien Arretarako Zentroan (FAZ), ohiko ordutegian, eta Eguesibarko Udalaren sarreran eta Herritarrendako Laguntza Bulegoan, maiatzaren 15etik ekainaren 4ra bitartean.
