Berdintasunean Hezten

Sarrigurengo ikastetxeei zuzendua dago.

Orain arte, programa 2016/17 eta 2017/18 ikasturteetan egin da, Joakin Lizarraga eta Hermanas Úriz Pi ikastetxe publikoetan.

Lehen Hezkuntzako 4. eta 6. mailako ikasleek, familiek eta irakasleek parte hartu dute.

Otsailetik aurrera, 2018/2019 ikasturteko programa jarriko da abian.

HELBURUAK

Eguesibarko “Educación en igualdad // Bedintasunean hezten” prestakuntza programaren bidez, udalerriko ikastetxe publikoetako hezkuntza erkidegoa (ikasleak, irakasleak eta familiak) gizonen eta emakumeen arteko berdintasun printzipioan sentsibilizatu nahi da. Halaber, printzipio horrekin bat, lana bultzatu nahi da genero-berdintasunean oinarrituriko harreman ereduak sustatuz neska eta mutilen artean, eta, horrenbestez, emakumeen aurkako indarkeriari aurrea hartuz.

Hona hemen programaren helburu zehatzak:

• Sexu-genero sistema ezagutzea eta hari buruz hausnartzea.
• Berdintasunean eta elkarrekiko errespetuan oinarrituriko pertsonen arteko harremanak sustatzea.
• Autoestimua berdintasunaren eta autoezagutzaren bidez sendotzea.
• Bakoitzaren eta denon arteko konpromisoa bultzatzea emakumeen aurkako indarkeria eta sexu-arrazoiengatiko bazterkeria desagerrarazteko.
• Zainketa lanen gaineko sentsibilizazioa egitea eta balio positibo eta beharrezko gisa unibertsalizatzea.
• Genero-aginduei buruz hausnartzea, hala nola irudiaz, estereotipoez eta rolez, lanbidea edo aisialdiko zaletasunak aukeratzerakoan.
• Feminismoak berdintasunaren aldeko borrokan eta emakumeen aurkako indarkeriaren aurkakoan izan dituen lorpenak agerian jartzea.