Eguesibarko Udalak kiroldegi berriaren proiektua aurkeztu du.

 Hemen: Berriak, Obra publikoak
  • Auzotarrek gogo handiz espero zuten proiektua.
  • Kiroldegia ez ezik, bailarako herritar guztientzako topaleku ere izango da.
  • Obrak egiteko aurrekontua 7,5 milioi eurokoa izango da.

Sarriguren, 2021eko azaroaren 11 · Eguesibarko Udalak kiroldegi berriaren proiektua aurkeztu du; alderdi ezberdinetako ordezkarien arteko gehiengoaren akordioa. Proiektu horrek erantzuna ematen dio denbora gutxian hirigintza eta biztanleriahazkunde azkarrari.

Aurkezpenean, Amaya Larrayak, herriko alkateak, “Lanean denbora asko eman ondoren, proiektu hau martxan jartzen dugu, kirol proiektua ez ezik, bailarako herritar guztientzako topaleku ere izango dena”.

Proiektua V. arkitektoek idatzi dute, eta zuzendaritza fakultatibo gisa jardungo dute obrek irauten duten bitartean; aurrekontua, guztira, 7,5 milioi eurokoa izango da. Obrak 2022ko udaberrian hasiko dira, 20 hilabete inguruko iraupenarekin, eta Sarrigurengo ikastetxe publikoen parean dagoen udal-lurzatian kokatuko dira.

Kiroldegi berriak 4.000 metro karratu izango ditu guztira, 2 solairutan banatuta:

  • Beheko solairuan, eraikinaren sarbidea, taldeentzako 6 aldagela, arbitroentzako 2 aldagela, biltegiak, arte martzialen gelak, komunak eta kirol-pista egongo dira.
  • Lehen solairuan, 518 lagunentzako harmailak eta 9 areto balioaniztun egongo dira. Haraneko kirol-klubek, besteak beste, kirol-jardueretarako, ikastaroetarako eta beste jarduera batzuetarako erabili ahal izango dituzte.