Eguesibarko Udalak 2026-2027 Kirol Abonu Aktiboa aurkezten du. Programa honen bidez, abonatutako pertsonek aste osoan zehar eskaintzen diren jarduera gidatu ugaritan parte hartu ahal izango dute.

Denboraldi berriko programazioa irailaren 14tik ekainaren 19ra garatuko da, eta, besteak beste, honako jarduera hauek eskainiko dira: zikloa, ziklo birtuala, Body Pump, Zumba, Pilatesa, Yoga, Cross Training, TBC, Strength, Core, Balance, Combat, Attack, funtzionala eta latin dantzak.

Izena ematen duten pertsonek nahi adina jardueratan parte hartu ahal izango dute. Aplikazioaren bidez, egunean gehienez bi jarduera erreserbatu ahal izango dira. Hala ere, jarduera bat hasteko unean plaza librerik badago, bertan dagoen pertsona sartu ahal izango da, bertaratzea erregistratuta.

Kirol Abonu Aktiboa

Kirol Abonu Aktiboa 16 urte beteta dituzten abonatutako pertsonei zuzenduta dago, eta 3, 6 edo 10 hilabeterako kontrata daiteke.

2026-2027 denboraldiko prezioak honako hauek dira:

• 3 hilabete: 109,75 €
• 6 hilabete: 165,05 €
• 10 hilabete: 220,00 €

10 hilabeteko abonua denboraldi osorako da. 3 eta 6 hilabeteko modalitateetan, kontratatutako aldia kontratazio-egunetik aurrera zenbatzen hasiko da.

Abonua APP-aren edo gimnasio birtualaren bidez kontrata daiteke, «Abono activo / Abonamendu aktiboa» menuan sartuta, edo zuzenean bi kirol-instalazioetako edozeinen harreran.

Senior Abonu Aktiboa

60 urtetik gorako abonatutako pertsonek Senior Abonu Aktiboa ere eskuratu ahal izango dute. Abonu horren bidez, Kirol Abonu Aktiboaren jarduera jakin batzuk erreserbatu ahal izango dira. Senior programazioak, besteak beste, zikloa, ziklo birtuala, Zumba, Pilatesa, Yoga, Balance eta latin dantzak eskaintzen ditu.

Abonu hau 3 hilabeteko aldietarako kontratatzen da, 37,30 €-ko prezioa du eta bi kirol-instalazioetako edozeinen harreran bakarrik eros daiteke.

Gazte Abonu Aktiboa

Gazte Abonu Aktiboa 14 eta 17 urte bitarteko abonatutako pertsonei zuzenduta dago. Parte hartzeko, azterketa medikoa aurkeztu beharko da, baita gurasoek edo tutoreek sinatutako baimena ere.

Gazteek Kirol Abonu Aktiboko jarduera jakin batzuk erreserbatu ahal izango dituzte, eta helduekin batera parte hartuko dute jarduera horietan. Gazteentzako programazioan, besteak beste, Body Pump, zikloa, ziklo birtuala, Zumba, Yoga, Core, Balance, Attack, Combat eta HIIT & Core jarduerak daude.

Gazte Abonu Aktiboa ere 3 hilabeteko aldietarako kontratatzen da, 37,30 €-ko prezioa du eta zuzenean harreran bakarrik eros daiteke.

Abonu murriztua parte-hartze txikiagoko aldietan

Jardueretan parte-hartzea txikiagoa den urteko aldietan Abonu Aktibo murriztua programatuko da. Honako aldi hauetan aplikatuko da:

• Foru Zubia
• Gabonak
• Aste Santua
• Ekaina

Erantsitako jardueren programazioetan ere adierazita daude programazio murriztua izango duten aldi horiek.

Kontsultatu Kirol Abonu Aktiboaren, Senior Abonu Aktiboaren eta Gazte Abonu Aktiboaren programazio osoak, 2026-2027 denboraldiko jarduera, egun, ordutegi eta instalazio guztiak ezagutzeko.