Eguesibarko Udalak 2026-2027ko Ikastaro Soziokulturaletan izena emateko epe berria ireki du, ekainean egindako izen-emate epearen ondoren libre geratu diren plazak betetzeko helburuarekin.

Programak helduei, gazteei eta haurrei zuzendutako proposamenak eskaintzen ditu, hizkuntzekin, sormenarekin, arte eszenikoekin, teknologiarekin eta hezkuntza-aisialdiarekin lotutako jarduerekin.

Eskaintzaren barruan, besteak beste, ingeleseko, argazkigintza aurreratuko eta RAW errebelatuko, zaharberritzeko, pinturako, antzerkiko, joskintzako, ehunak apaintzeko tekniketako, sormen-eskulanetako eta Cricuteko ikastaroak daude. Gazte eta haurrentzat, besteak beste, pintura- eta antzerki-tailerrak, ingelesa, robotika, joskintza eta Cricut eskaintzen dira. Liburuxkak euskararekin lotutako jarduerak ere jasotzen ditu.

Izena emateko epe berria: irailaren 1etik 11ra.

Izen-emateak eta ordainketak honako bide hauen bidez egingo dira soilik:

• 012aren webguneko izen-emate formularioaren bidez.
• Telefonoz, 948 012 012 zenbakira deituta.

Ez da kontuan hartuko izen-ematearen hurrenkera. Erroldatutako pertsonek lehentasuna izango dute. Beharrezkoa izanez gero, libre dauden plazen behin betiko esleipena irailaren 14an egingo da.

Ikastaro gehienak urrian hasiko dira, jarduera bakoitzerako adierazitako daten arabera.

Programak tarifa hobariak ere aurreikusten ditu. Urte osoko ikastaroetan ordainketa bakarra edo ordainketa zatikatua aukeratu ahal izango da: % 50 izen-ematea formalizatzean eta gainerako % 50a urtarrilean, izena emateko oinarrietan ezarritako prozedurari jarraituz.

Kontsultatu liburuxkan ikastaroen eskaintza osoa, ordutegiak, adinak, lekuak, plaza kopurua, tarifak eta izena emateko baldintzak. 26-27 IKASTARO SOZIOKULTURALAK