Autismoari buruzko Kontzientziaziorako Nazioarteko Eguna dela eta, apirilaren 2an, osteguna, Eguesibarko Udaletxeko fatxada eta Sarrigurengo pinua urdinez argiztatuko dira, autismoa duten pertsonei eta haien familiei babesa eta elkartasuna adierazteko.

Autismoaren espektroko nahasmenduak (AEN) neurogarapeneko nahasmenduak dira, pertsonari bizitza osoan eragiten diotenak garapenaren hainbat arlotan, ingurunearen eta bere buruaren pertzepzioan. Komunikatzeko eta gizarte-interakziorako eta pentsamenduaren eta jokabidearen malgutasunerako zailtasunak eragiten ditu. Europan, autismoa biztanleen % 1ek duela kalkulatzen da.