Jaietako hasierako suziria botatzeko hautagaitzak aurkezteko epea zabalik dago.

Ezagutzen al duzu ibilbideagatik, balioengatik eta herriari egindako ekarpenagatik aitortza hau merezi duen pertsonaren bat?

Udalak hautagaitzak aurkezteko epea ireki du, jaietako hasierako suziria botako duen pertsona aukeratzeko. Jai egitarauko une adierazgarrienetako eta esperoenetako bat da hori.

Deialdi honen helburua da pertsona fisikoak, banaka aurkeztuta, aitortzea; alegia, beren meritu propioengatik eta komunitateari egindako ekarpenagatik herrian arrasto positiboa utzi duten pertsonak.

Ezingo dira aurkeztu elkarteen, kolektiboen, erakunde juridikoen edo horien izenean jarduten duten pertsonen hautagaitzak. Halaber, ez dira baloratuko elkarte, erakunde edo kolektibo baten barruan izandako kargu edo ardurak soilik oinarri dituzten proposamenak; aitzitik, proposatutako pertsonaren banakako eta norberaren merituak hartuko dira kontuan.

Hautagaitza bakoitzarekin batera azalpen labur bat aurkeztu beharko da, pertsona horrek aitortza hau zergatik merezi duen azaltzeko.

Ekimen honen bidez, Udalak herritar guztiak gonbidatu nahi ditu parte hartzera eta beren eredugarritasunagatik, konpromisoagatik eta ibilbideagatik herria egiten laguntzen duten pertsonak balioan jartzera.

Aurkeztu zure proposamena