Aurten ere, Eguesibarko Udalak M8 EMAKUMEEN NAZIOARTEKO EGUNAREN V. LASTERKETA SOLIDARIOA antolatu du. Lasterketa martxoaren 8an izango da, igandea, 10:00etan, eta Udaletxetik abiatuko da.

Lasterketan izena emateak 2€ko prezioa du, kamiseta barne. Bildutako dirua Eguesibarko elkartea den ASENNA, Nafarroako Endometriosi Elkarteari, bideratuko zaio.

Izen-emateak: https://www.rockthesport.com/es/evento/carrera-lasterketa-8m-valledeegues-eguesibar
02/16tik 03/06ra.

Herritar guztiak gonbidatzen ditugu jardunaldi honetan parte hartzera. Parte-hartzaile bakoitzak nahi duen bezala parte har dezake martxan: korrika, oinez, patinetan, familian, koadrilan edo, besterik gabe, kamiseta erosita. Kontua da denok bat eginda egotea honelako egun batean. Bi aukera daude, lasterketaren distantziari dagokionez: 3,6 km-ko ibilbide laburra eta 7,2 km-ko ibilbide luzea (bi itzuli). Lasterketan parte hartzen ez dutenek egun horretan erosi ahal izango dituzte kamisetak.

Lasterketa hasi aurretik, 09:30ean, adierazpen instituzionala irakurriko da. Aurten, Elkanoko Javier Egoitzako emakumeek irakurriko dute.
Felix Garrido EPSZko kideek egindako txapak ere banatuko dira egun horretan jarriko duten postuan.

ASENNA Eguesibarko elkarte bat da. 2022an 6 emakumek sortu sortu zuten, denak endometriosia duten pazienteak, hilekoaren minaren normalizazioarekin amaitzeko eta hain ohikoa eta isildua den patologia hori ikusarazteko. Batez beste, 7-10 urte behar izaten dira gaixotasuna diagnostikatzeko.
Elkartearen helburu nagusiak hauek dira:

•  Endometriosia ikusaraztea hitzaldi eta tailerren bidez, herritarrak kontzientziatuz, batez ere gazteenen artean.
• Pazienteei eta haien senideei laguntzea.
• Diagnostiko goiztiarrak lortzea eta pazienteei bizi-kalitate hobea eskaintzea.
• Espezialistak eta diziplina anitzeko talde medikoa. Horretarako, eta HUNeko ginekologia organikoko unitateko ginekologo taldearen laguntzarekin, erreklamazio bat jarri du ASENNAk Nafarroan endometriosi unitatea sortzeko.
• Hilekoaren hezkuntza ikastetxe eta institutuetan sartzea.
• Hilekoaren mina tabu izan ez dadin eta normalizatu ez dadin lortzea.