Sarrigurengo pilotalekuaren ingurua hobetzeko eta naturalizatzeko proiektua idaztea izan da aurrekontu parte-hartzaileetan proposamen irabazlea

Guztira, 523 pertsonak parte hartu dute eta 502 boto baliodun erregistratu dira. Proposamen irabazleak 865 puntu jaso ditu; bigarren postuan geratu da Sarrigurengo lorategian eserlekuak jartzea, 760 punturekin; Errege Bardea kaleko 86. zenbakiko haur-parkearen eraberritzeak 709 lortu ditu; eta Eliako Kontzejuan haurrentzako parke tematiko bat eraikitzeak 678. Parte-hartzaile bakoitzak 3, 2 eta 1 puntu eman ziezaiekeen hiru proposameni.

Irabazi duen proposamenak Sarrigurengo pilotalekua eta haren ingurua hobetzeko proiektu teknikoa idaztea planteatzen du. Gaur egun, alboko hegalean lokatz, higadura eta euri-uren isurketa arazoak daude.
Helburua da irtenbide irekiago, berdeago eta erabilera anitzekoa aztertzea, pilotalekuaren kirol-erabilera hobetzeko eta, aldi berean, gaur egun narriatuta dagoen eremua berreskuratzeko, bizilagunen arteko bizikidetzarako gune atseginago, jasangarriago eta erabilgarriago bihurtuz.

Emaitzak erakusten dute herritarren interesa bizikideta auzo-harremanak eta erabilera komunitarioa hobetzen dituzten espacio publikoetan.