Eguesibarko Udalak abian jarri du Hiri Jarduketako Plan Bereziari (HJPB) dagokion parte-hartze prozesua, kirol erabilerako eta berdeguneko sistema orokorren kokapena aldatzeko.

Planeamendu honen helburu nagusia da Eguesibarrek bere kirol-instalazioak osatzeko behar adina lurzoru egoki izatea. Horretarako, Horretarako, Olatzeko ekialdean dauden berdeguneak Gorraizko Gazteluaren instalazioen inguruan dagoen kirolerako hiri lurzoruarekin elkartrukatzea planteatzen da.

Proposatutako aldaketaren edukia eta aztertu diren alternatibak ezagutarazteko asmoz, Udalak informazio saio bat antolatu du ekainaren 25ean, 18:30ean, Olatzeko Liburutegian. Bertan, proposamena azalduko da eta parte-hartzaileen ekarpenak eta iradokizunak jasoko dira, zeinekin Hiri Jarduketako Plan Berezia egiteko prozesua aberastu nahi den.

Aurrez aurreko saioaz gain, herritarrek ekarpenak egiteko aukera izango dute bilera egin eta hurrengo 20 egunetan. Ekarpenak posta elektronikoz bidali ahal izango dira helbide honetara: participacion-partaidetza@egues.es. Halaber, Eguesibarko Udalaren egoitza elektronikoaren bidez ere aurkeztu ahal izango dira.

Informazio gehiago: https://valledeeguesparticipa.com/