• Lasterketa, herrikoia eta solidarioa, Eguesibarko Udalak Emakumearen Nazioarteko Eguna dela eta antolatzen duen programazioaren barnean dago.

• Inskripzioaren bidez bildutako zenbatekoa bularreko minbizia ikertzeko erabiliko da.

• Lasterketak 4,25 kilometro izango ditu, eta Joakin Lizarraga ikastetxetik hasiko da.

Gaur goizean Emakumeen Nazioarteko Eguna dela eta Eguesibarko Udaleko Kirol Sailak eta Berdintasun Arloak antolatu duten “Haiengatik egingo dugu” lasterketa solidarioaren bigarren edizioa aurkeztu da.

Herritar guztiei (adina edozein dela ere) zuzendutako lasterketa herrikoi eta solidarioa da, Emakumearen Nazioarteko Eguna dela eta antolatua, M8a bezalako egun baten inguruan sentsibilizatu eta ikusarazi nahi duena. Horregatik da garrantzitsua pertsona bakoitzak nahi duen moduan egitea: familian, lagunekin, korrika, oinez, baina egin dezala. Garrantzitsuena hain data berezian denok bat eginda egotea da.

Martxoaren 11n (larunbata) izango da lasterketa, 12:00etan, Sarrigurengo Joakin Lizarraga ikastetxetik abiatuta.

Izen emateak hemen egin daitezke:  https://web.rockthesport.com/es/es/master/evento/corremos-por-ellas-2023.

Izena emateko epea martxoaren 10ean bukatuko da, 12:00etan.

Lasterketak 2 euroko kostua izanen du pertsona bakoitzeko. Bildutako dirua Saray (Nafarroako Bularreko Minbiziaren Elkartea) elkartearentzat izanen da, zehazki bularreko minbizia ikertzeko. Parte-hartzaile bakoitzak kamiseta bat jasoko du eta Udalak parte hartzaileak lasterketa egunean kamiseta hori janztera animatu nahi ditu.