Eguesibarreko Udaleko Bozeramaileen Batzordeak gehiengoz onartu zuen atzo, otsailak 25, Udala herri-akusazio gisa aurkeztea joan den ostiralean, otsailak 20, Sarrigurenen emakume bat hiltzeagatik irekitako zigor-auzian.

Erabaki honek Udalak prozedura judizialean aktiboki parte hartuko duela esan nahi du, interes orokorraren defentsan eta erakundeak indarkeria matxistaren aurrean duen konpromiso irmoaren erakusgarri.

Herritarrengandik hurbilen dagoen administrazioa garen aldetik, ezin gara bazterrean geratu hain gertakari larrien aurrean. Gure eskumenen barruan jarduteko eta mezu argi bat bidaltzeko erantzukizuna dugu: gure udalerriak ez du emakumeen aurkako indarkeriarik onartzen.

Biktimaren familiari eta hurbileko pertsonei gure maitasuna, errespetua eta babesa helarazi nahi diegu berriro. Bat gatoz haien saminarekin, eta gure gaitzespenik sendoena berresten dugu hilketa honen aurrean.

Eguesibarrak prebentzioa, sentsibilizazioa eta ekintza instituzionala lantzen jarraituko du indarkeriarik gabeko gizartea eraikitzeko.