Urbi, Eguesibarko komunitate energetikoa, errealitate bat da dagoeneko. Auzotarrak protagonista izan dituen prozesu parte-hartzaile baten ondoren, ofizialki eratu da Urbi Komunitate Energetikoa, energia hurbilago, jasangarriago eta partekatuago baten alde egiten duen proiektu kolektiboa.

Parte-hartze prozesua Eguesibarko Udalak sustatu du NASUVINSArekin (Nafarroako Komunitatea Eraldatzeko Bulegoa) batera, energia komunitateak sortzeko. Prozesu horren barruan, informazio-saio bat eta sei lan-saio egin ziren, eta, azkenean, Urbi energia-komunitatea eratu da.

Eguesibarrek energia-eredu justuago baterantz aurrera egin dezan sortu da Urbi. Eredu horretan, herritarrek parte hartzen dute, erabakiak hartzen dituzte eta zuzenean baliatzen dira beren inguruan sortzen den energiaz. Urrats garrantzitsu horrek erakusten du, batera eraikitzen denean, trantsizio energetikoa posible dela eta benetako eragina duela lurraldean