Eguesibarko Udalak, ikasturtea amaitu baino lehen, Musikoterapia espezialitatea jarriko du abian Eguesibarko Udal Musika Eskolan, ekimen hori aitzindaria izanda Nafarroako musika eskoletan.

Espezialitate berri hau ikasleen aniztasunarekiko arreta indartzeko helburuarekin sortu da, Udalaren Musika Eskolaren hezkuntza eskaintza handituz eta musikaren aldeko apustua eginez, akonpainamendu, inklusio eta ongizaterako tresna gisa.

Espezialitatea, lehen fasean, lau plazarekin jarriko da martxan, eta, eskariaren eta lortutako emaitzen arabera, haren garapena baloratu eta etorkizunean kopuru hori handitzeko aukera aztertu ahal izango da.

Ekimen honen bidez, Eguesibarko Udalak berretsi egiten du Eguesibarko ikasleen errealitateetara egokitutako musika hezkuntza inklusibo eta berritzailearekin duen konpromisoa.