• Europako Funtsak toki-erakundeak digitalki eraldatzeko eta modernizatzeko dira.

• Deialdiko 148.288,87 euroko balio zenbatetsia lortu nahi da eraldaketa digitalaren arloan.

• “Europatik 2 milioi euro baino gehiago ekartzea lortzen ari gara”.

Eguesibarrek toki entitateen eraldaketa digitalera eta modernizaziora bideratzen diren Europako Funtsak eskuratzeko aukera izango du berriro. 2022ko Berreskuratze, Eraldaketa eta Erresilentzia Planerako dirulaguntzen deialdia da, 148.288,87 euroko balio zenbatetsiarekin.

Aurkeztu beharreko proiektuak honako hauek dira: Eguesibar osoan zehar mupi digitalak jartzea, web-orria irisgarritasunaren AA mailara egokitzea, AUNA kudeaketa-sistema berria, kirol-arlorako aplikazioa garatzea (hortik kudeatu ahal izango dira erreserbak, jardueren informazioa), Eguesibarko behatokia eta osoko bilkuren aretoa egokitzea. Proiektu horiek 2023an garatuko lirateke.

Amaya Larraya Eguesibarko alkateak nabarmendu duenez, “Berebiziko garrantzia du toki-erakundeek eraldaketa digitala bultzatzea, prozesu eta prozedura administratiboak hobetzeko. Deialdi honen bidez, mugikortasunaren arloan aurten gauzatu direnekin batera, 2 milioi euro baino gehiago ekarri ditugu Europatik gure ibarrera”.