Sarrigurengo Kirol Hiriko jantoki estalia inauguratu da
Atzo, ekainak 4, Sarrigurengo Kirol Hiriko jantoki estalia inauguratu zen eta bertan izan ziren Eguesibarko alkate Xuriñe Peñas eta Udalbatzako zenbait kide. Eraikin berr...
Eguesibarko Udalak lankidetza-hitzarmena sinatu du gaur, maiatzak 29, Teletaxi Elkartearekin, udalerriko kontzejuetan erroldatutako pertsonei eskaeraren araberako taxi zerbitzua emateko, mugikortasuna hobetzeko eta garraio-zerbitzu publikorik ez duten kontzejuetan erroldatutako biztanleei zerbitzuetarako sarbidea errazteko. Zerbitzu horretarako Udalak 65.000 euroko partida jarriko du.
Bi zerbitzu ezberdin egongo dira: bata, Badostain eta Ardatz kontzejuetarako, herri horiek Sarrigurenekin eta Iruñeko Merindades plazarekin lotuko dituena; eta bestea, Altzuza, Egues, Elkano, Sagaseta, Ibiriku, Etxalatz, Elía, Erantsus, Ustarrotz eta Azpa kontzejuetarako, herri horiek Gorraitz, Sarriguren eta Merindadeetako plazarekin lotuko dituena.
Ekainaren 8an, hitzarmen hau indarrean jartzearekin batera, orain arte erabilitako tiketak saltzeko sistema desagertu egingo da.
Zerbitzua erabili nahi dutenek aldez aurretik eman beharko dute izena, eta aukera hauek dituzte:
Izena eman dutenen zerrenda ostiralero eguneratuko da, eta hurrengo astelehenetik aurrera jarriko da indarrean.
Inskripzioan datu pertsonalak Teletaxi Elkarteari lagatzeko baimena eman beharko dute, soilik zerbitzua kudeatzeko eta kontrolatzeko. Teletaxi Elkarteak egiaztatuko du zerbitzua eskatzen duten pertsonak behar bezala inskribatuta daudela.
14 urtetik beherakoek heldu batek lagunduta bidaiatu beharko dute.
Erabiltzaile bakoitzak 2 euro ordaindu beharko dizkio taxi-gidariari bidai bakoitzeko. Zerbitzuaren gainerako kostua Udalak hartuko du bere gain.
Edozein kontsulta edo argibidetarako, interesdunek Herritarrei Arreta egiteko Bulegora jo ahal izango dute.
Atzo, ekainak 4, Sarrigurengo Kirol Hiriko jantoki estalia inauguratu zen eta bertan izan ziren Eguesibarko alkate Xuriñe Peñas eta Udalbatzako zenbait kide. Eraikin berr...
2026-27ko eskola-jantokirako laguntzen deialdia ekainera aurreratu da (2026ko ekainaren 8tik 19ra). Eskaerak Oinarrizko Gizarte Zerbitzuan aurkez daitezke, aurrez aurre, edo u...
Eguesibarko Udalak kirol-azpiegitura hau egiteko lanak hasi ditu. Proiektua 2025eko aurrekontu parte-hartzaileen ondorioz sortu zen eta inbertsioa 49.723,62 eurokoa (BEZa barn...