Igande honetan, maiatzaren 24an, Epilepsiaren Egun Nazionala ospatuko denez, Eguesibarko Udalak udaletxea eta Sarrigurengo biribilgune nagusian dagoen pinua argiztatuko ditu, epilepsiarekin bizi direnei ikusgaitasuna emateko.

Keinu sinboliko horrekin, Udalak bat egiten du Epilepsia duten Pertsonen Elkarte Nazionalarekin. Elkarte honek epilepsia duten pertsonen eta haien familien eskubideak lantzea, ordezkatzea eta defendatzea du helburu.

Gaixoen kopuruak gora egin du, eta urtero 10.000 eta 20.000 kasu berri diagnostikatzen dira Espainian, bi pertsona ordu oro.
Hori dela eta, Elkarteak gaixotasun honen inguruan kontzientziatzeko eta ikusgarritasuna emateko ekintzak sustatzen ditu.