Eguesibarreko Udalaren Osoko Bilkurak, martxoaren 30eko ezohiko saioan, 2026rako 20.080.000 euroko Aurrekontu Orokorra onartu zuen hasieran, hau da, aurreko urtean baino % 7,43 gehiago.

Partidarik handiena Gizarte Zerbitzuen eta Gizarte Sustapenaren Arloari dagokio, 2,8 milioi euro inguruko gastuarekin, eta ondoren Segurtasuna eta Mugikortasuna arloari, 2,1 milioi euro baino gehiagorekin.

Haur-eskoletara 2 milioi euro bideratuko dira, aurreko urteko 1,92 milioien aldean. Musika Eskolari emandako bultzada ere nabarmentzekoa da, 1,35 milioirekin. Kirol kontuetan milioi bat euroraino handitzea aurreikusten da, besteak beste Olaz kirol instalazioak handitzeko.