Eguesibarren martxo energetikoa ospatzen ari dira. Transformazio Komunitarioko Bulegoak (OTC Navarra) faktura elektrikoaren tailerra eskainiko du asteartean, martxoak 17, 18:00etan Eliako Naturaren Interpretazio Zentroan, eta astelehenean, martxoak 23, ordu berean, Sarrigurengo Errege Bardea kaleko 78. zenbakian dagoen Oihanburu aretoan. Tailerrak Eguesibarren sortutako Urbi komunitate energetikoa aurkezteko ere balioko du.

Joatekoa bazara, ez ahaztu zure faktura eramatea!

OTC Navarra Nafarroako Gobernuaren ekimena da, Nasuvinsa sozietate publikoak kudeatua, eta herritarrei trantsizio energetikoan laguntzea du helburu, komunitate energetikoen sorrera erraztuz eta kontsumo jasangarrirako aholkularitza tekniko, juridiko eta administratiboa eskainiz.