Ikuskizun honetan Sun Magoak zerbait desberdina proposatuko du: magiaren eta ilusioaren mundu fantastikoan murgiltzea. Familia osoarentzat pentsatutako aparatu handien ikuskizuna da, dibertigarria, dinamikoa eta publikoa ikuskizunaren parte aktibo duena. Edozein ikusleren begietara ezinezko efektuak ikusi ahalko dira; beraz, ikusleei gomendatzen zaie begiak inola ere ez ixtea, edo galdu eginen dute.

IZEN-EMATEA: Udalaren webgunearen bidez, izena emateko atalean, emanaldia egin aurreko astelehenetik ostegunera. Plaza baino eskaera gehiago egonez gero, zozketa eginen da. Plaza baieztatzeko, mezu elektroniko bat bidaliko da. Plaza libreak geratzen badira, iritsi diren hurrenkeraren arabera bete ahalko dira, emanaldia egiten den egun berean.

PREZIOA: doakoa