Badostaingo Bideko Ama Birjinaren ermita XIII. mendean eraiki zen, erromaniko berantiarreko estiloari jarraiki, nahiz eta zenbait adituk XII. mendearen erdialdera aurreratu duten haren sorrera.

Litekeena da ermita Moreako monasterioko tenplua izatea, 1215eko agirietan aipatzen dena. Barnealdeak oin laukizuzena du, lau tartetan banatua, eta abside erdizirkularra, labe-ganga zertxobait zorrotz batez estalia.

Tenpluaren barruan nabarmentzen da bertako tailu barrokoa, denboran zehar hainbat aldiz margotu izan dena.

Gauzarik interesgarrienak

• Jakar eragineko tinpano krismoiduna.
• Sortzez Garbiaren tailu barrokoa, berriki birmargotua.
• Bitxikeria gisa, San Migel elizako erloju zaharraren makineria gordetzen da, 1808koa.