Eguesibarko Udalak 2026ko Udazkeneko Programa aurkeztu du. Datozen hilabeteetan garatuko den jarduera-eskaintza zabala da, adin, interes eta publiko desberdinei zuzendutako ekimenak biltzen dituena.

Programazioa irailean hasi eta udazken osoan zehar luzatuko da, udaleko hainbat arlok sustatutako proposamenekin. Kultura, kirola, gazteria, gizarte-zerbitzuak, berdintasuna, euskara eta toki-garapena uztartzen dira aisialdia, ikaskuntza, topaketa, sormena, ongizatea eta parte-hartzea sustatzeko pentsatutako programa batean.

Aurreikusitako jardueren artean daude arte eszenikoetako ikuskizunak, zine-kluba, sormen-tailerrak, kirol-proposamenak, haur eta gazteentzako jarduerak, topaketak eta sentsibilizazio-ekintzak. Programak hitzordu bereziak ere jasotzen ditu, hala nola Eguesibarko Euskararen Eguna, Eguesibarko Adinekoen Eguna, Zientziaren Astea, Haur eta Nerabeen VIII. Astea eta azaroaren 25aren, Emakumeen aurkako Indarkeria Ezabatzeko Nazioarteko Egunaren, inguruan antolatutako jarduerak.

Eskaintzak haur eta familientzako jarduerak eta gazte zein helduentzako proposamen espezifikoak uztartzen ditu, baita adin guztientzako ekimen irekiak ere. Jarduera batzuk sarbide librekoak dira; beste batzuek, berriz, plaza mugatuak dituzte eta aldez aurretik izena eman behar da.

Oro har, Eguesibarren erroldatutako pertsonek lehentasuna izango dute, eta plazak zozketa bidez esleituko dira. Izen-emateak eta ordainketak 012 webgunearen edo  telefonoaren bidez egingo dira, bestelako prozeduraren bat berariaz adierazten den jardueretan izan ezik.

Liburuxka osoan proposamen bakoitzaren datak, ordutegiak, lekuak, adinak, hizkuntzak, plaza kopurua, prezioak eta izena emateko sistemak modu errazean kontsulta daitezke.

Deskargatu 2026ko Udazkeneko Programa eta ezagutu datozen hilabeteetarako Eguesibarren aurreikusitako jarduera guztiak.

Otoño Egües Udazkena