San Juan suak egiteko alboko mapan ikus daiteke udaletxearen atzeko udal-partzela gaituko du Udalak.

Lurzati horretan bakarrik egin ahal izango dira suteak, eta, gainera, hurrengo baldintza hauek bete beharko dira:

• Suek ezin izango dute izan udaleko segurtasun eta larrialdi zerbitzuek zehaztutako altuera baino handiagoa. Altuera hori honako hauen araberakoa izango da: kokalekua, zuhaiztiarekiko edo eraikinekiko distantzia eta udaleko larrialdi zerbitzuek uste duten segurtasuna.
• Material-pilak ez du izan behar ez material sukoirik, ez lehergailurik, ez konposizio plastikoko elementurik, ez oso kutsagarriak edo gogaikarriak diren gasak edo ke toxikoak (neumatikoak, sprayak, apar-gomak, koltxoiak, etab.) isurtzea ekar dezakeen bestelako hondakinik.
• Sua edozein eraikuntzetatik edota linea elektrikoetatik gutxienez 15 metrora jarri beharko da eta ez ditu sarbideak oztopatu beharko.
• Suak ekainaren 23ko (Asteartea) 21:00etatik, 24ko 00:00etara, piztu ahal izango dira, auzokideentzako egokia den ordutegia errespetatze aldera.
• Suak dauden bitartean, talde arduradun bakoitzak ur ontzi bat eta hondar ontzi bat edo su itzalgailu bat izan beharko ditu, eta, amaitzean, sua erabat itzalita geratzen dela bermatu beharko da.
• Uneoro bete beharko dira udal langileen, udaltzaingoaren eta Babes Zibileko zerbitzuko kideen jarraibideak.
• Edozein larrialdiren aurrean, segurtasun eta larrialdi zerbitzuek nahitaezko ebakuazioa agindu dezakete ordu hori baino lehen, segurtasun pertsonaleko eta ingurumen babeseko irizpideetan oinarrituta.

Eguesibarko Udalak gau magiko bat ospatzeko deia egiten du, alaitasunez, errespetuz, tolerantziaz eta bizikidetza onez betea. Hori dela eta, eskerrak ematen dizkie segurtasun indarrei, pertsonen askatasuna edo poza urratzen duen edozein erasoren aurrean.

Suetan parte hartzea arriskuak dakartzan borondatezko ekintza bat da, eta gerta daitezkeen ezbeharren erantzule parte hartzailea edo haren tutoreak (adingabeen kasuan) izango dira. Horregatik, behar diren neurriak hartzea eta janzkera egokiena eramatea eskatzen dugu.

San Juan Suak 2026 Bandoa