Jorge Oteiza eskultoreak 117 urte bete izango zituen egunarekin batera, urriaren 21ean, bere izena daraman Museo Fundazioak DANOK OTEIZA aurkeztu zuen, euskal sortzailearen espiritua eta balioak partekatzen dituzten pertsona eta erakunde guztiei irekitako komunitate berria.

Hau horrela, DANOK OTEIZA, Altzuzako Kontzejuan (Eguesibar) kokatuta dagoen Museoaren lagunen komunitate berri gisa aurkezten den herritar guztiei zuzendutako proposamen berri bat da, Jorge Oteizaren obra eta pentsamenduarekiko ezagutza eta identifikazioa bultzatzeko asmoz.
Ekimenak bere ondarearekin interakzioan aritzeko eta gizartea eta kolektiboa aldatzeko tresna gisa arteari buruz duen ikuspegia zabaldu eta indarrean mantendu nahi duen sare batean parte hartzeko gonbita egin nahi du.

Komunitate berria Altzuzako Museoaren jardueren osagarri izango den “erakunde bizi” gisa sortu da, eta espazio ireki, plural eta parte hartzaile gisa sendotu nahi du. Helburua bizitzaren eta kulturaren arteko elkarrizketa artikulatzea da, gizarte osora zabaltzeko.

DANOK OTEIZArekin, Fundazioak artistaren ondarea babesteko eta zabaltzeko konpromisoa berretsi du, bere pentsamendu estetikoarekin hitz egingo duen eta egungo kulturan aztarna zabaltzen jarraituko duen komunitate dinamiko bat sortzera gonbidatuz.

Aurkezpen ekitaldian, Rebeca Esnaola kontseilaria, Joseba Asiron Iruñeko alkatea, Gipuzkoako Foru Aldundiko eta Altzuzako kontzejuko kideak eta Fundazioaren ordezkariez gain, Xuriñe Peñas Eguesibarreko alkatea ere egon zen. Udalak lankidetza hitzarmen bat sinatu zuen Jorge Oteiza Museoa Fundazioarekin 2024ko ekainaren 14an, arte garaikidea oro har ezagutzen, eta, bereziki, Jorge Oteizaren lana aztertzen eta zabaltzen lagunduko duten kultur proiektuak elkarrekin sustatzeko, planifikatzeko eta gauzatzeko, ekimenak, neurriak eta ekintzak bere eskumenen esparruan arbitratuz.