Datorren martxoaren 9an, 12:00etan, Emakumeen Nazioarteko Eguna dela eta, lasterketa solidario bat egingo da Eguesibarreko Udaleko Kirol Sailak eta Berdintasun Arloak antolatuta. Aurten, “Silencia el Machismo” lelopean, Nafarroako Berdintasun Teknikarien Sareak M-8rako sortutako kanpainatik aterata.
Iaz bezala, herritar guztiei (adina eta egoera fisikoa alde batera utzita) zuzendutako lasterketa herrikoi eta solidarioa da, martxoaren 8a bezalako egun bat sentsibilizatu eta ikusarazi nahi duena. Horregatik da garrantzitsua pertsona bakoitzak nahi duen bezala egitea: familian, lagunekin, korrika, oinez… baina egitera animatzea. Garrantzitsuena da denok bat egitea hain data berezian.
Lasterketa martxoaren 9an egingo da, 12:00etan, Joakin Lizarraga eta Uriz Pi Ahizpak ikastetxeetatik abiatuta.
Izena emateko epea zabalik dago
HEMEN KLIK EGINEZ. Epea martxoaren 8ko 12:00etan amaituko da.
Lasterketak 2 euroko kostua du pertsona bakoitzeko. Aurten bildutako zenbatekoa Hiru Hamabi 3/12 Haurren Hartutako Kalte Zerebralaren Elkartearentzat izango da. Beraz, gizon eta emakumeen arteko benetako berdintasuna aldarrikatzen duen lasterketa izateaz gain, lasterketa solidarioa ere bada. Parte-hartzaile bakoitzak ekitaldiaren kamiseta bat jasoko du bere inskripzioarekin.
Datozen egunetan informazio gehiago emango da eta ekitaldiaren aurkezpen ofiziala egingo da.
