Sarriguren eta Erripagaña lotzen dituen tunelean bisita daiteke A25-aren (Emakumeenganako Indarkeriaren Aurkako Nazioarteko Eguna) programazioaren barne egindako horma-irudi parte hartzailea, ikusten ez diren indarkerietan oinarritua, hala nola ghosting, gaslighting eta beste abusu emozional batzuetan.

Horretarako, lehenik eta behin, gazteentzako tailer bat egin zen, ikusten ez diren indarkeriak aztertzeko, eta parte-hartzaileek, gainera, beren sormena askatzeko aukera izan zuten, horma-irudiko zirriborroan eta horma-irudian bertan sartu ziren collageak eginez.

Tailer horren ondoren, eta Haurren eta Nerabeen IV. Astearekin batera, hiru saioko bigarren tailer bat egin zen, non lehen tailerreko parte-hartzaileek eta interesa zuten edo tuneletik pasatzen ziren pertsona guztiek pintatzen lagundu ahal izan baitzuten. Saio guztiek oso harrera ona izan zuten.

Lehenengo tailerrean landu ziren abusu emozionalak biltzen ditu horma-irudiak: ghosting, gaslighting, indarkeria psikologikoa eta gizarte-indarkeria. Horiek guztiak eskuineko aldean daude. Beraz, arraina, bihotza hezurrekin, profila galdera-ikurrarekin, mamua, ahoa eta ilearen zirriborroak dira tailerrean landutako gehiegikeria horien osagaiak.

Beste alde batetik, honako estrategia hauek aukeratu ziren aurre egiteko: irainak eta oldarkortasuna ez onartzea, salatzea, egoera aztertzea, laguntza eta autokontrola eskatzea eta erasotzailea saihestea. Estrategia horiek negatiboaren bidez irudikatzeko proposamena modu berean egin zen, horregatik errepikatzen dira irudi berberak, baina oraingoan, pertsonaiaren ezkerraldean eta eraldatuta.

Horiei beste elementu/kontzeptu batzuk gehitzen zaizkie, hala nola tratu onak, gezurrak, haterrak edo 016, “Ez zaude bakarrik” esaldiaren ondoan.