Atzo hasi zen Acción contra el Hambre-k eta Eguesibarko Udalaren laguntzarekin antolatutako “Vives Empleo Saludable Valle de Egues y comarca” programa.

Batez ere emakumezkoak diren Sarrigurengo 30 pertsonek, 21 eta 45 urte bitartekoek, hasi dute programa. Beste pertsona interesdun batzuk sartzen ahalko dira, postu hutsak gelditu ahala. Horretarako, 696712237 telefono-zenbakira deitu behar da.

Lana bilatzeko doako programa bat da, ongizate fisikoa, mentala, emozionala eta soziala sustatzen duena, eta langabezian eta egoera ahulean dauden pertsonentzat da.

Lanbide gaitasunak indartzea eta lana bilatzeko prozesuan laguntzea du helburu. Hori guztia bizi-ikuspegi osasungarri baten bidez.

Hori dela eta, bi ardatz nagusitan lan egingo da: gaitasun pertsonalak eta gaitasun profesionalak indartu eta hobetzea, eta bizimodu osasungarria izateko ohiturak sustatzea. Ohitura horien bidez, parte-hartzaileek beren osasun fisiko, mental eta emozionala hobetzen dute, eta, hala, motibazioa handitzen dute, eta lana aurkitzeko eta/edo mantentzeko aukerak biderkatzen dituzte.

Hori guztia taldean lan egiteko metodologia baten bidez eta pertsona bakoitzaren beharretara egokitutako laguntza indibidualizatu baten bidez.

Ia hiru hilabetez, programak astean behin talde-saioetan lan egingo du, aurrez aurre eta on line, banakako saioez gain, pertsona bakoitzari arreta pertsonalizatuagoa eta egokiagoa eskaintzeko.

Programa osoan egingo diren jarduera guztiak hauek dira: gaitasun digitalei buruzko berariazko prestakuntza, taldeko jarduera fisikoari buruzko saioak, enplegagarritasuneko eta osasuneko profesionalek eskainitako tailerrak, enpresekin zuzeneko harremanak, negozioetarako bisitak, giza baliabideen arduradunekin egindako tailerrak eta enplegu-ekitaldietan, foroetan eta topaketetan parte hartzea.

Vives Emplea Saludable-k hainbat enpresaren, profesionalen eta enpleguaren eta osasunaren arloko adituen laguntza du, baita Eguesibarko Udalaren etengabeko laguntza ere.