Otsailean, Eguesibarko Udalak bizitza pertsonala, familiakoa, lanekoa eta komunitarioa bateragarri egiteko emandako aparteko laguntzak argitaratu ziren. Helburua herritarrek eskolarik gabeko aldiei ahalik eta hobekien aurre egitea da. Horrela, diruz lagunduko dira apirilaren 19tik 22ra egiten diren jarduerak (adingabeek jai dituzten Aste Santuko egunak, baina gurasoek ez). Baita udako eta Gabonetako aldi berak ere.
Jarduera horiek haurtzaindegietan, lagun-etxeetan, kanpalekuetan eta aisialdiko jardueretan izena ematea izan daitezke, betiere jarduera horiek aldez aurretik diruz lagundu ez badira eta egunean 3 ordu baino gehiago irauten badute. Hau da, horiek ordaintzeko deskonturik, tarifa hobaridunik edo aurreko laguntzarik jaso ez izana, eta laguntzaren bikoizketarik ez gertatzea. Diruz lagundu daitezkeen ekintzen artean sartzen da, halaber, zaintzaile baten gizarte-segurantza ordaintzea.
Eskaerak aurkezteko epea honako hau izango da: Aste Santua 2022ko maiatzaren 9ra arte; uda 2022ko irailaren 16ra arte eta Gabonak abenduaren 19tik 31ra arte.
Laguntza horiek Genero Berdintasunerako II. Planaren eta Eguesibarko Kontziliazioaren aldeko Tokiko Itunaren ekimenen barruan sartzen dira.
Informazio gehiago esteka honetan.
Larunbat arratsalde honetan, Eguesibarko Udaltzaingoak Sarrigurengo denda bat zigortu du 9 eta 11 urte bitarteko haurrei 20 mg nikotinadun zigarro elektronikoak saltzeagatik. ...
Ibarreko bizilagun erroldatuak maiatzaren 8tik urtarrilaren 22ra bitarte (biak barne) aurkezten ahalko dituzte proposamenak.
Atzo argitaratu zen Eguesibarreko Udalaren webgune berria, nabigazioa errazten duen egitura funtzional eta intuitiboarekin: https://www.valledeegues.com/ Udal Informatikako...
