Ekonomia, finantza eta aurrekontu arloetako informazioa

Bloke hau Ordenantzaren 20. artikuluan arautua dago eta entitatearen egoera ekonomikoari buruzko informazio guztia barnebildua dago. Dokumentu guztiak kontu-hartzailetza alorretik heldu dira, eta udalaren urtealdi ekonomikoaren barneko bi mugarri handiei dagozkie: Aurrekontuei eta Urteko Kontuei, hain zuzen. Atal honetan, hiruhilekoan behingo egoerak bildu dira, eta era berean, urtealdian egiten diren aurrekontu-aldaketak.

Herritar guztiek dute informazio publikoa eskuratzeko eskubidea. Izan ere, herritar orok du informazio publikoa eskuratzeko eskubidea, bai bere izenean, bai legez eraturiko erakundeen izenean eta haien ordezkari delarik. Legean aurreikusitakoak izanen dira eskubide horrek dituen muga bakarrak, eta ez da eskaera arrazoitu beharrik.

Informazio publikotzat jotzen dira Gardentasunari, Informazio Publikoa eskuratzeari eta Gobernu Onari buruzko maiatzaren 17ko 5/2018 Foru Legeari lotuta dauden subjektuen eskuetan dauden edukiak eta dokumentuak, edozein delarik ere haien formatua edo euskarria, baldin eta subjektuen eginkizunen barnean prestatu edo eskuratu badira.

Informazioa eskuratzeko eskubidea doakoa izanen da oro har, eta ahal bada, herritarrek eskatutako moduan eta formatuan jarriko da informazioa eskura.