• Luzera: 7,5 kilometro.
• Desnibela: 250 metro.
• Denbora: 2,5 ordu.
• Zailtasuna: Ertaina.
• Elementu interesgarriak: Elkanoko eliza, Altzuzako San Esteban eliza eta Jorge Oteiza Museoa, Sagasetako eliza.

Ibilbideak balio estetiko eta ingurumen handiko paisaiak zeharkatzen ditu, eta aukera ematen du Iruñerriko ekialdearen, hiriburuaren beraren, Eguesibarraren eta inguruko mendien ikuspegi zabalak gozatzeko.

Ibilbidean zehar laborantza-lurrak, larizio pinudiz osatutako basoak, larreak eta bazkalekuak zeharkatzen dira, paisaia aniztasun handia eskainiz; horietako batzuk ustekabekoak gerta daitezke Iruñetik hain gertu egonda.

Ibilbidea Elkanoko hirigunetik hasten da, eta hasieran Ubarmin Klinikaren iparraldeko bide lautik doa (Nobela parajea). Tarte honetan bidea guztiz laua eta ongi finkatua da.

Elkanoko lurretatik atera eta Altzuzara sartu baino lehen, pista lurrez eta harriz osatutako bidexka estu bihurtzen da; erreka zeharkatzen du landaredi artean eta ponpaketa-estazioraino iristen da. Handik Altzuzako errepidera heltzen da.

Puntu horretan iparrerantz jarraitzen da errepidetik Altzuzako gune altuenera iritsi arte. Handik Zabaldikaldea parajetik doan pista hartzen da; hasieran larreak zeharkatzen ditu, ikuspegi zabalekin, eta ondoren larizio pinudietan sartzen da.

Pista honetatik jarraituz, Sagasetako dermiora iristen da, 775 metroko altuerara, guztira 250 metroko desnibela gaindituta.

Sagasetan sartuta, pista hau utzi eta beste bat hartzen da eskuinera, hego-ekialderantz, antzeko ezaugarriekin. Tarte labur baten ondoren, 728,5 metroko altueran dagoen bidegurutze batera iristen da; bertan, hegoalderantz jaisten den pista hartzen da, tarte batean hormigoizkoa, eta Sagasetako herrigunera iristen da (565 metro).

Azkenik, Sagasetatik Elkanora itzultzen da NA-2374 errepidetik.