Herriko gainaldean, Altzuza menean hartzen duela, San Estebango eliz-parrokia aurkituko dugu. Zalantzarik gabe, herri zaharrak duen eraikuntzarik azpimarragarriena da eta litekeena da bere jatorria Erdi Arokoa izatea. Dena den, neurri handi batean, barroko garaian zaharberritu egin zuten.

Altzuzako San Esteban elizaren kanpoaldeko hormak silarri angeluzuzen nahikoa uniformeak erabiliz eginak dira. Erdi Arotik gorde izan dira, dorrea eta atearekin batera.

Elizaren aurrean, ziuraski hamaseigarren mendetik erdi-puntuko arkupeak dituen lonja bat aurkitzen da. Erromaniko berantiar estiloko atetik nabearen bigarren atalera sartzen gara. Nabearen buruan, XVIII. mendeko erretaula nagusia ikusiko dugu, apaingarri gisa Jainkoa gurutzatuaren hainbat estatua eta beste zenbait santuren irudiak agertzen dituelarik. Tamalez, 1972garren urtean Erremedioen ama birjina, eliz honetako baselizatik ekarritakoa, desagertu egin zen. Irudi honen kopia bat Altzuzako eliz-parrokian gordetzen da, eta erretaularen erdian dagoen sagrarioaren garai berekoa da, XVI. mendekoa, zehatz-mehatz esateko. Usu horrela gertatzen ez bada ere, aipatutako sagrarioaren jatorrizko polikromia oraino gorde izan da. Barrualdean, apaingarri gisa, hostotza itxia eta hainbat aingeru ikus daitezke, hala nola medailioi bat, non Magdalena irudikatua agertzen den.

Dena dela, Altzuzako eliz-parrokian badago beste sagrario bat, XVI. mendekoa hau ere. Harriz egina, horman sartua dago, erretaula nagusiaren alde batera. Barrualdea ixten duen jatorrizko burdinesia oraindik ikusten ahal da.