GARAPEN EKONOMIKOAREN PLANGINTZA

56,94 km karratuko hedadura eta erroldan 2333 biztanle dituelarik, Eguesibarra hazkunde handia ezagutuko duen ingurune sozio-ekonomikoa da. Nafarroako hiriburutik hain gertu egoteak bailarak geroz eta errepide sare hobea izatea posible egin du (ekialdeko ingurabideak erosoak egiten ditu aireporturako, Tuterako autopistarako eta Donostiara zuzentzen den A-15 autobiarako sarrerak). Modu berean, oraingo populazio eta eraikitze-lanen hazkundean oinarrituta, etorkizuneko Eguesibarra etenik gabe gora eginen duen erresidentzi gunetzat jo dezakegu. Sektore orok hazkunderako aukerak izanen badituzte ere, Eguesibarrak garapen itzela ezagutuko du batik bat hirugarren sektorean nahiz zerbitzuetan. Izan ere, Olatz-Ttipiko industrigunearen zabalkuntzak mota honetako enpresei bailararen baitan lekutzeko bidea eskainiko die.

Gauzak horrela, bailararen ekonomiaren hazkunde aukera handiak aintzat hartuz, udala Eguesibarraren egoera ekonomikoaren azterketa arduratsua burutuko duen aholkularitza tekniko baten bila dabil. Eman beharreko hurrengo urratsak, hortaz, Ibarreko Hazkundearen Plangintza Estrategikoaren diseinu eta idazketa izanen dira.