Eguesibarko udalak kultur programa zabala proposatu du uda honetarako
Eguesibarko Udalak ere bertan behera utzi ditu jai ugariak, bai kontzejuetan egiten direnak, eta baita Gorraizen eta Sarrigurenen egiten direnak ere.
Hala ere, Nafarroako hirugarren udalerriko herritarrek kultura programa biziaz gozatzeko aukera izango dute, hiru agertoki ezberdinetan garatuko dira ekintzak;
- Sarrigurenen jarriko den karpan 20 emanaldi baino gehiago egingo dira uztailaren 15etik abuztuaren 15era, eta programazioaren agertoki nagusi bihurtuko da.
- Gorraizko jarduerak, bai Jauregiko plazan eta baita Oktogonoan ere.
- Kontzejuetako jarduerak. Udalak jaietarako ematen dituen diru-laguntzen bidez finantzatuko dira, aurten, ekitaldi kulturalak antolatzeko.
Proposamena askotarikoa da: udako zinema klasikoa, Ibarreko taldeen musika-emanaldiak, beste profesional batzuk, arte eszenikoetako ikuskizunak, erraldoien eta beste talde batzuen emanaldiak (txalaparta, batukada, joaldunak…), bakarrizketak eta abar.
Eskaintzaren gehiengoa doakoa da, baina aldez aurretik izena eman behar da; maila handiagoko jarduerek baino ez dute sarrera-ordainketa behar (kostu txikikoa izango da hala ere). Azken horien artean, honako hauek daude: Lemon eta Tal, Alfredo eta Iker Piedrafita, Gorka Aguinagalderen bakarrizketa eta Los Usualesen kontzertua; eta Sarriguren Night berezia, abuztuaren 14an egitekoa, Paul Alone, Javi Robles, Andrea Santiago eta Dj´s Go&Go partaide direla.
Aurten, berrikuntzatzat, Classica Plus programaren barruan, haurrentzako bi MiniPlus tailer eta Manu Beso saxofonistaren kontzertu bat izango dira.
Espazio guztietan zehatz-mehatz beteko dira Covidaren aurkako neurriak, hala nola pertsonen arteko distantzia (jarduketa guztietan jendea eserita egongo da), eskuak desinfektatzea eta kontrolatutako edukierak (aldez aurretik izena eman behar da).
Bestalde, bateratze zerbitzu bat prestatuko da Sarrigurengo karpan, egiten diren eta haurrentzako ez diren jarduera guztietan. Era berean, ibarreko ostalariek kudeatuko duten barra bat jarriko da.
Ekintzei buruzko informazio guztia eta haietan izena ematea Udalaren web orrian kontsulta daiteke: www.valledeeguesibarko.com
https://www.valledeegues.com/eu/udako-programa-berezia/
Abisua: Arazo teknikoak direla eta, Combosek uztailaren 15ean egitekoa zuen jarduera bertan behera geratu da.
